Hierdie is ‘n vraag wat ons dames wat wel jag, sekerlik meer gereeld mee gekonfronteer word as ons manlike eweknieë. Die vraag word dikwels vergesel deur ‘n interessante versameling van gesigsuitdrukkings, wat varieer tussen verbaas wees, afgryse of skok tot partykeer so bietjie van ‘n you go girl bewondering wat in hulle oë glinster. Alles hang af van die persoon wie die vraag vra. Dit ter syde gestel, die vraag bly staan, hoekom hou ek, soos al hoe meer vroue daarbuite, van jag?