Beste lede en vriende

Eiendomsreg is die hoeksteen van ekonomiese stabiliteit en individuele vryheid in Suid-Afrika, maar dit word toenemend bedreig deur wetlike, politieke en sosio-ekonomiese uitdagings.

Die Ad Hoc Groep vir die Beskerming van Eiendomsregte het geoordeel dat ’n konferensie oor die beskerming van eiendomsreg in die huidige tydsgewrig noodsaaklik is om groter bewustheid te skep oor die belang hiervan vir alle Suid-Afrikaners, ongeag agtergrond.

Met die tema “Eiendomsreg – Die sleutel tot vrede” wil ons nie net gesprek stimuleer nie, maar ook die boodskap stuur dat eiendomsregte nie slegs ’n kwessie van individuele belange is nie, maar ’n nasionale prioriteit. Dit lê aan die kern van ekonomiese voorspoed, plaaslike ontwikkeling en internasionale investering.

U word hiermee hartlik uitgenooi om hierdie belangrike konferensie by te woon.